சட்டவிரோதமாக ஆற்று மணல் ஏற்றியவருக்கு அபராதம்

-எம்.எஸ்.எம். ஹனீபா

அட்டாளைச்சேனை பிரதேசத்தில் அனுமதிப்பதிரமின்றி சட்டவிரோதமாக ஆற்று மணல் ஏற்றிய குற்றச்சாட்டின் பேரில் கைது செய்யப்பட்ட நபர் ஒருவருக்கு 50 ஆயிரம் ரூபாய் அபராதமும் பொலிஸாரின் கடமையை செய்யவிடாது தடங்கள் ஏற்படுத்திய குற்றச்சாட்டுக்காக 100 ரூபாய் அபராதமும் அக்கரைப்பற்று மாவட்ட நீதிமன்ற நீதவானும் நீதவான் நீதிமன்ற நீதவானுமான திருமதி நளினி கந்தசாமி இன்று (28) வியாழக்கிழமை விதித்துள்ளார்.

அக்கரைப்பற்று பொலிஸாரால் குறித்த நபர் கடந்த மார்ச் மாதம் 11ஆம் திகதி வெள்ளிக்கிழமை கைது செய்யப்பட்டிருந்தார்.

குறித்த நபரை அக்கரைப்பற்று மாவட்ட நீதிமன்ற நீதவானும் நீதவான் நீதிமன்ற நீதவானுமான திருமதி நளினி கந்தசாமி முன்னிலையில் இன்று (28) ஆஜர்செய்தபோதே இவ்வாறு அபராதம் விதிக்கப்பட்டது.