சட்டவிரோதமாக மின்சாரம் பெற்றவர்களுக்கு அபராதம்

-எம்.எஸ்.எம். ஹனீபா

அம்பாறை, சவளக்கடை பொலிஸ் பிரிவுக்குட்பட்ட நாவிதன்வெளிப் பிரதேசத்தில் சட்டவிரோதமாக மின்சாரம் பெற்ற குற்றச்சாட்டின் பேரில் கைதுசெய்யப்பட்ட இருவருக்கு, தலா 10 ஆயிரம் ரூபாய் அபராதம் கல்முனை நீதவான் நீதிமன்ற நீதவான் ஐ. பாயாஸ் றஸாக், நேற்று செவ்வாய்க்கிழமை (07) விதித்துள்ளார்.
 
இலங்கை மின்சார சபை தலைமைக் காரியாலய புலனாய்வு பிரிவினரும் சவளக்கடை பொலிஸாரும் இணைந்து கடந்த சனிக்கிழமை (04) மேற்கொண்ட திடீர் சோதனையின் போது சட்டவிரோதமாக தமது வீட்டுக்கு மின்சாரம் பெற்று வந்த நபர்கள்  கைதுசெய்யப்பட்டு நீதிமன்றினால் சரீரப்பிணையில் விடுதலை செய்யப்பட்டிருந்தனர்.
 
இவ் வழக்கு விசாரணை, கல்முனை நீதவான் நீதிமன்ற நீதவான் ஐ. பயாஸ் றஸாக் முன்னிலையில் நேற்று (07) எடுத்துக்கொள்ளப்பட்ட பொது தலா 10 ஆயிரம் ரூபாய் அபாதம் விதித்து, இலங்கை மின்சார சபைக்கு ஏற்பட்ட நஷ்டஈடான 11 ஆயிரத்தி 300 ரூபாவை ஒருவரும், மற்றைய நபர் 05 ஆயிரத்தி 600 ரூபாவையும் இலங்கை மின்சார சபைக்கு செலுத்துமாறும் உத்தரவிட்டார்.