சமாதானத்துக்கான சமயங்கள்

-பைஷல் இஸ்மாயில்

இலங்கைப் பேரவையின் ஏற்பாட்டில் சமாதானத்துக்கான சமயங்களின் மூன்று நாள் வதிவிட முகாமின் இறுதிநாள் நிகழ்வு, ஞாயிற்றுக்கிழமை (13) கதிர்காமத்தில் நடைபெற்றது.

இலங்கைப் பேரவையின் தலைவரும் ஸ்ரீ ஜயவர்த்தனபுர பல்கலைக்கழக வேந்தருமான பேராசிரியர் அதி வண. பெல்லன்வில விமலரத்ன தேரர் தலைமையில் இந்நிகழ்வு நடைபெற்றது.

இந்த வதிவிட முகாமுக்கு வடக்கு மற்றும் கிழக்கு உள்ளிட்ட பல்வேறு பகுதிகளிலிருந்து சர்வ சமயங்களைச் சேர்ந்த சமயத் தலைவர்கள் பலர் கலந்துகொண்டனர்.

இம்முக்கியமான பிரதான மாநாட்டிலே பேரவையின் பிரதித்தலைவரும் இன்றைய நல்லாட்சியின் ஸ்தாபகருமான மறைந்த வண. மாதுலுவாவே சோபித தேரருக்கு அனுதாப அஞ்சலியும் நினைவுப்பேருரையும் அனைத்து மதத் தலைவர்களினால் நிகழ்த்தப்பட்டது.

இதேவேளை, பேரவையின் வருடாந்த பொதுக்கூட்டமும் நிர்வாகத் தெரிவும் இடம்பெற்றது.