தாமரை பூ பறிக்கச் சென்றவர் சேற்றில் புதைந்து பலி

எஸ்.சபேசன், எம்.எஸ்.எம். ஹனீபா

வீட்டில் நடத்துவதற்கு ஏற்பாடு செய்யப்பட்டிருந்த வைரவர் பூஜைக்காக, அம்பாறை நாவிதன்வெளி அன்னமலைக் குளத்துக்கு, பூஜைகளுக்காக தாமரைப்பூ பறிக்கச் சென்ற குடும்பஸ்தர், சேற்றில் புதைந்து பலியாகியுள்ள சம்பவம் நேற்று வெள்ளிக்கிழமை (03) இடம்பெற்றுள்ளதாக சவளக்கடைப் பொலிஸார் தெரிவித்தனர்.

வேப்பையடியைச் சேர்ந்த சி.அருளம்பலம் (வயது 44) என்ற குடும்பஸ்தரே இவ்வாறு சடலமாக மீட்கப்பட்டுள்ளதாக தெரிவித்த பொலிஸார் இது தொடர்புடைய மேலதிக விசாரணைளை மேற்கொண்டு வருகின்றனர்.