திருக்கோவில் வைத்தியசாலை தரம் உயர்த்தப்படும்

-எஸ்.கார்த்திகேசு

திருக்கோவில் பிரதேச வைத்தியசாலையிலுள்ள குறைகளை நிவர்த்திசெய்து ஆதார வைத்தியசாலையாக தரம் உயர்த்தவுள்ளதாக கிழக்கு மாகாண சுகாதார அமைச்சர் ஏ.எல்.எம்.நஸீர் தெரிவித்தார்.

திருக்கோவில் பிரதேச வைத்தியசாலையின் அவசரப் பிரிவு புதன்கிழமை (04 மாலை திறந்துவைக்கப்பட்டது. இந்நிகழ்வில் உரையாற்றியபோதே, அவர் இதனைக் கூறினார்.

அக்கரைப்பற்று உள்ளிட்ட பல பிரதேசங்களில் தரமான வைத்தியசாலைகள் காணப்படுகின்றபோதிலும், திருக்கோவில் வைத்தியசாலை சிறிய வைத்தியசாலையாக அன்று முதல் இன்றுவரை இருப்பது கவலையளிக்கின்றது. ஆகவே, எனது பதவிக்காலத்தினுள் திருக்கோவில் பிரதேச வைத்தியசாலையை  ஆதார வைத்தியசாலையாக  தரம் உயர்த்துவதற்குரிய நடவடிக்கையை முன்னெடுக்கவுள்ளதாகவும் அவர் கூறினார்.