நீர்ப்பாசனக் குளங்கள் புனரமைக்கப்படும்

-எம்.எஸ்.எம்.ஹனிபா

அம்பாறை, பொத்துவில் பிரதேசத்திலுள்ள நீர்ப்பாசனக் குளங்களைப் புனரமைப்பதற்கு  நடவடிக்கை எடுக்கப்படுமென கிழக்கு மாகாண நீர்ப்பாசன, கால்நடைகள் அமைச்சின் செயலாளர் கே.சிவநாதன் தெரிவித்தார்.

மேலும், பொத்துவிலிலுள்ள நீர்ப்பாசன பொறியியலாளர் உப –அலுவலகம் நீர்ப்பாசன பொறியியலாளர் அலுவலகமாக தரம் உயர்த்தப்படுமென்பதுடன், கால்நடைகளை வைத்திருப்பவர்கள் எதிர்கொள்ளும் பிரச்சினைகளுக்கு உடனடியாகத் தீர்வு காணப்படுமெனவும் அவர் கூறினார்.

தனது அமைச்சின் அதிகாரிகளுடன் பொத்துவில்  பிரதேசத்துக்கு செவ்வாய்க்கிழமை (12) மாலை  சென்று அங்குள்ள நீர்ப்பாசனக் குளங்களை பார்வையிட்ட பின்னரே, அவர் இதனைக் கூறினார்.