நடமாடும் சேவை

எம்.ஏ. தாஜகான்

பொத்துவில் பொலிஸ் நிலையத்தின் ஏற்பாட்டில் பொத்துவில் பிரிவு 6,7,8,20,21, பிரிவுகளுக்கான நடமாடும் சேவை இன்று (24) பொத்துவில் அல்-ஹிதாயா வித்தியாலயத்தில் இடம்பெற்றது.

இந்த நடமாடும் சேவையில் பொத்துவில் பொலிஸ் நிலையம், பொத்துவில் பிரதேச செயலகம், பொத்துவில் சுகாதார வைத்திய அதிகாரி காரியாலயம், பொத்துவில் ஆதாரவைத்தியசாலை என்பன சேவைகளை மக்களுக்கு வழங்கின.

காணிகளுக்கான உறுதிப்பத்திரங்கள் மாற்றீடு, அடையாள அட்டை, கடவுச்சீட்டு, சாரதி அனுமதிப்பத்திரம் ஆகியனவும் பெற்றுக்கொடுக்கப்பட்டன.

இந்நடமாடும் சேவையில் தென்னை அபிவிருத்தி சபையினால் 200 தென்னங்கன்றுகளும் பாடசாலை மாணவர்களுக்கான அப்பியாசக்கொப்பிகளும் வழங்கி வைக்கப்பட்டன.