நபரைக் காயப்படுத்தியவருக்கு விளக்கமறியல்

-எம்.எஸ்.எம். ஹனீபா    
                               
பொத்துவில் பிரதேசத்தில் மதுபோதையில் முச்சக்கரவண்டி செலுத்தி ஒருவரைக் காயப்படுத்திய குற்றச்சாட்டின் பேரில் கைதுசெய்யப்பட்ட நபரொருவரை, விளக்கமறியலில் வைக்குமாறு பொத்துவில் நீதவான் நீதிமன்ற நீதவான் எம்.ஐ. வஹாப்தீன், நேற்று வெள்ளிக்கிழமை (12) உத்தரவிட்டுள்ளார்.

பொத்துவில் பிரதான வீதயில் வைத்து முச்சக்கரவண்டியால் மோதி, ஒருவரைக் காயப்படுத்தி விட்டு தப்பிச் சென்ற வேளையிலேயே பொத்துவில் பொலிஸாரால் கடந்த வியாழக்கிழமை (11) சந்தேகநபர் கைதுசெய்யப்பட்டிருந்தார்.

குறித்த நபரை, பொத்தவில் நீதவான் நீதிமன்ற நீதவான் எம்.ஐ. வஹாப்தீன் முன்னிலையில் நேற்று (12) ஆஜர்செய்த போது எதிர்வரும் 26ஆம் திகதி வரை விளக்கமறியலில் வைக்கமாறு நீதவான் உத்தரவிட்டுள்ளார்.