பொத்துவில் வைத்தியசாலையை மத்திய அரசின் கீழ் கொண்டுவரக் கோரிக்கை

-பைஷல் இஸ்மாயில்

பொத்துவில் ஆதார வைத்தியசாலையை மத்திய அரசின் கீழ் கொண்டுவருமாறு கோரி குரல் அற்றோர்களுக்கான குரல் அமைப்பினரால் பொத்துவிலில் சனிக்கிழமை (12) கையெழுத்துவேட்டை ஆரம்பித்துவைக்கப்பட்டுள்ளது.  

பொத்துவில் பிரதேசத்தில் சுமார் 40,000 குடும்பங்கள் வாழ்ந்து வருகின்றன. இந்தக் குடும்பங்கள்; பொத்துவில் ஆதார வைத்தியசாலையில் வைத்திய சேவைகளைப் பெறவேண்டியுள்ளது. இருப்பினும், இந்த வைத்தியசாலையில் போதியளவில்  ஆளணி மற்றும் வைத்திய வசதிகளின்மையால், நோயாளிகள் சிகிச்சையை பெற்றுக்கொள்வதற்காக சுமார் அக்கரைப்பற்று வைத்தியசாலைக்கு செல்லவேண்டியுள்ளது. அல்லது, மொனராகலை வைத்தியசாலைகளுக்கு செல்லவேண்டியுள்ளது. இந்நிலையில்,  பொத்துவில் ஆதார வைத்தியசாலையை மத்திய அரசின் கொண்டுவருமாறு இப்பிரதேச மக்கள் கோரிக்கை விடுக்கின்றனர்.