போலி நாணயத்தாளுடன் ஒருவர் கைது

-எம்.எஸ்.எம். ஹனீபா

சம்மாந்துறை பொலிஸ் பிரிவுக்குட்பட்ட காரைதீவு பிரதேசத்தில் 02 ஆயிரம் ரூபாய் போலி நாணயத்தாள் வைத்திருந்த குற்றச்சட்டின் பேரில், நேற்று  வியாழக்கிழமை (12) இரவு ஒருவர் கைதுசெய்யப்பட்டுள்ளதாக சம்மாந்துறைப் பொலிஸார் தெரிவித்தனர்.

மதுபானசாலையில் மதுபானம் கொள்வனவு செய்வதற்காகச் சென்ற மேற்படி நபர், போலி 02 ஆயிரம் ரூபாய் நாணயத்தாளைச் செலுத்திய போது மதுபானசாலை உரிமையாளர் இதனைக் கண்டுபிடித்து பொலிஸாருக்கு அறிவித்ததற்கமைய சந்தேகநபர் கைதுசெய்யப்பட்டுள்ளதாகப் பொலிஸார் தெரிவித்தனர்.

கைது செய்யப்பட்ட நபர், காரைதீவு 11ஆம் பிரிவு 52 வயதுடைய மீன் வியாபாரி எனத் தெரிய வருகின்றது. 

மேலதிக விசாரணைகளை சம்மாந்துறைப் பொலிஸார் மேற்கொண்டு வருகின்றனர்.