மைதான அபிவிருத்திக்காக ரூ.10 இலட்சம் ஒதுக்கீடு

பைஷல் இஸ்மாயில்  

அக்கரைப்பற்று, அஸ் ஸிறாஜ் மகா வித்தியாலய மைதான அபிவிருத்திக்காக  10 இலட்சம் ரூபாய் ஒதுக்கீடு செய்யப்பட்டுள்ளதுடன் அபிவிருத்தி பணிகளும் முன்னெடுக்கப்பட்டு வருகின்றன.

இதற்கான நிதியை, ஸ்ரீ லங்கா முஸ்லிம் காங்கிரஸின் இளைஞர் விவகார தொழில்வாய்ப்புத்துறை செயலாளரும் கிழக்கு மாகாண சபை உறுப்பினருமாகிய ஏ.எல்.தவம் ஒதுக்கியுள்ளார்.  மைதான அபிவிருத்தி தொடர்பில் பாடசாலை சமூகம், மாகாண சபை உறுப்பினர் ஏ.எல்.தவத்திடம் சுட்டிக்காட்டியதை அடுத்தே இந்நிதி ஒதுக்கீடு செய்யப்பட்டுள்ளது.