மார்ச் 19 இல் ஸ்ரீ.ல.மு.கா தேசிய மாநாடு

பதுர்தீன் சியானா

ஸ்ரீ லங்கா முஸ்லிம் காங்கிரஸின் தேசிய மாநாடு மார்ச் மாதம் 19 ஆம் திகதி நடைபெறவுள்ளது. இதனை முன்னிட்டு பாலமுனை அமைப்பாளர் சட்டத்தரணி எம்.ஏ.அன்சில் தலைமையில் மாநாட்டுத்திட்டமிடல் தொடர்பான கலந்துரையாடலொன்று  பாலமுனை பொது விளையாட்டு மைதானத்தில் நேற்று (26) நடைபெற்றது.

இம்மாநாட்டில், ஸ்ரீ லங்கா முஸ்லிம் காங்கிரஸின் தலைவரும் அமைச்சருமான ரவூப் ஹக்கீம், ஜனாதிபதி மற்றும் பிரதமர் ரணில் விக்கிரமசிங்க ஆகியோர் கலந்துகொள்ளவுள்ளனர்.

இக்கலந்துரையாடலில், கிழக்கு மாகாண சுகாதார, சுதேசிய வைத்தியத்துறை அமைச்சர் ஏ.எல்.எம்.நஸீர், ஸ்ரீ லங்கா முஸ்லிம் காங்கிரஸின் இளைஞர் விவகார தொழில் வாய்ப்புத்துறை செயலாளரும் கிழக்கு மாகாண சபை உறுப்பினர் ஏ.எல். தவம், அட்டாளைச்சேனை பிரதேச கட்சி முக்கியஸ்தர்கள், பாலமுனைப் பிரதேச கட்சிப் பிரமுகர்கள், பொதுமக்கள் என பலர் கலந்துகொண்டனர்.