விபத்தில் ஒருவர் காயம்; சாரதி கைது

-எஸ்.ஜமால்டீன்

அம்பாறை, ஆலையடிவேம்புப் பிரதேசத்தில் இன்று திங்கட்கிழமை காலை இடம்பெற்ற விபத்தில் படுகாயமடைந்த ஜோசப் ஜோன் (60 வயது) என்பவர் வைத்தியசாலையில் அனுமதிக்கப்பட்டுள்ளார்.

வீதியால் சென்றுகொண்டிருந்த சைக்கிளுக்கு பின்னால் சென்றுகொண்டிருந்த மோட்டார் சைக்கிள் மோதியதால் இந்த விபத்துச் சம்பவித்துள்ளது. இதன்போது சைக்கிளில் சென்றவரே படுகாயமடைந்துள்ளார்.

இவர் அக்கரைப்பற்று ஆதார வைத்தியசாலையில் அனுமதிக்கப்பட்டுள்ள, பின்னர்  மேலதிகச் சிகிச்சைக்காக அம்பாறை பொது வைத்தியசாலைக்கு மாற்றப்பட்டுள்ளதாக பொலிஸார் தெரிவித்தனர்.

இந்த விபத்தைத் தொடர்ந்து மோட்டார் சைக்கிள் சாரதி கைதுசெய்யப்பட்டுள்ளதாகவும் பொலிஸார் கூறினர்.