விழிப்பூட்டல் செயலமர்வு

-நடராஜன் ஹரன்
 

பொத்துவில் பிரதேச செயலக திவிநெகும சமுக அபிவிருத்தி பிரிவினால் ஏற்பாடு செய்யப்பட்ட 'வீட்டு முகாமைத்துவமும் குடும்ப அபிவிருத்தியும்' எனும் தலைப்பிலான விழிப்பூட்டல் செயலமர்வு இன்று வியாழக்கிழமை பிரதேச செயலக கேட்போர் கூடத்தில் பிரதேச செயலாளர் என்.எம்.எம்.முஸாரத் தலைமையில் நடைபெற்றது.
 
இந்நிகழ்வில் திவிநெகும தலைமைப்பீட முகாமையாளர் என்.கிருபாகரன், சமுக அபிவிருத்தி உதவியாளர் மற்றும் திவிநெகும முகாமையாளர்கள், திவிநெகும அபிவிருத்தி உத்தியோகத்தர்கள், பொருளாதார அபிவிருத்தி உத்தியோகத்தர்கள் மற்றும் பலர் கலந்துகொண்டனர்.
 
இதன் போது அம்பாறை மாவட்ட பெண்கள் அபிவிருத்தி ஒன்றியத்தின் தலைவி ஜனாபா.எஸ்.எம்.ஹபிசா
யாசீர் கலந்து கொண்ட பெண்களுக்கான விழிப்புணர்வு விரிவுரையை நடத்திவைத்தார்.