வட்டமடுவில் 4 பேர் கைது

-எஸ்.கார்த்திகேசு

அம்பாறை, திருக்கோவில் பிரதேசத்திலுள்ள வட்டமடு மேய்ச்சல்தரைப் பகுதிக்கு அத்துமீறிச் சென்ற குற்றச்சாட்டின் பேரில் நான்கு பேர் இன்று செவ்வாய்க்கிழமை மாலை கைதுசெய்யப்பட்டுள்ளதாக பொலிஸார் தெரிவித்தனர்.

அம்பாறை வனபரிபாலனத் திணைக்கள அதிகாரிகளினால் கைதுசெய்யப்பட்ட இந்த நான்கு பேரும் திருக்கோவில் பொலிஸாரிடம் ஒப்படைக்கப்பட்டுள்ளனர்.

வட்டமடு மேய்ச்சல்தரை பிரதேசம் தொடர்பான வழக்கு நீதிமன்றத்தில்; இடம்பெற்று வருகின்ற நிலையில், குறிப்பிட்ட அப்பிரதேசத்தில் வயல் செய்கையில் ஈடுபடுவதற்கான தடை உத்தரவு காணப்படுகின்றமை குறிப்பிடத்தக்கது.