அடுத்தாண்டு ஹஜ்ஜுக்கு செல்வோர் கொரோனா சான்றுடன் வரவேண்டும்

மும்பை,

மக்கா நகரில் உள்ள புனித தலத்துக்கு ஆண்டுதோறும் இலட்சக்கணக்கான முஸ்லிம்கள் புனித ஹஜ் யாத்திரைக் காகச் செல்லுகின்றனர்.

இந்த நிலையில் எதிர்வரும் 2021ஆம் ஆண்டு புனித பயண ஏற்பாடுகள் குறித்த ஹஜ் குழுக் கூட்டம் நேற்று மும்பையில் மத்திய சிறுபான்மையினர் விவகாரத்துறை அமைச்சர்  முக்தார் அப்பாஸ் நக்வி தலைமையில் நடந்தது.

கூட்டத்துக்கு பிறகு முக்தார் அப்பாஸ் நக்வி நிருபர்களிடம் கூறியதாவது:-

2021ஆம் ஆண்டு மக்கா புனித பயணத்துக்கு விண்ணப்பிக்க அடுத்த மாதம் (டிசம்பர்) 10ஆம் திகதி  கடைசி நாள். விண்ணங்களை ஒன்லைன் அல்லது ஹஜ் மொபைல் அப்ளிகேசன் மூலம் செய்யலாம். புனித பயணத்துக்கு செல்பவர்களுக்கு கொரோனா தொற்று இல்லை என்ற ஆர்.டி- பி.சி.ஆர் சான்று கட்டாயமாக்கப்பட்டு உள்ளது.