ஆய்வகத்தில் தயாரிக்கப்பட்ட இறைச்சிக்கு அனுமதி

 அமெரிக்காவில் ஆய்வகத்தில் வைத்துத் தயாரிக்கப்பட்ட இறைச்சியினை விற்பனை செய்வதற்கு அனுமதி அளிக்கப்பட்டுள்ளது.

 கோழியில் இருந்து எடுக்கப்பட்ட செல்கள் மூலம் இவ் வகை இறைச்சிகள் உற்பத்தி செய்யப்படுகின்றன.

அந்தவகையில் இப்போது வரை ஆய்வகத்தில் வைத்துத் தயாரிக்கப்பட்ட இறைச்சியின் விற்பனை மற்றும் நுகர்வுக்கு சிங்கப்பூரில் மாத்திரமே  அனுமதி அளிக்கப்பட்டிருந்தது.

இந்நிலையில் இப்பட்டியலில் தற்போது அமெரிக்காவும் இணைந்துள்ளது.

அந்தவகையில்  அமெரிக்கா, விரைவில் ஆய்வகத்தால் வளர்க்கப்படும் இறைச்சிக்கான முக்கிய சந்தையாக மாறும்  தெரிவிக்கப்பட்டுள்ளது.

எகிப்தில் நடந்த COP 27 உச்சிமாநாட்டில் சுற்றுச்சூழலுக்கு உகந்த உணவு தயாரிப்பது பற்றி விவாதிக்கப்பட்ட நிலையில், சில நாட்களுக்குப் பிறகு இந்த அறிவிப்பு வெளியாகியுள்ளமை குறிப்பிடத்தக்கது.