இஸ்ரேல் தாக்குதலுக்கு முன்னர் ட்ரம்ப் எச்சரித்தாரென்பதை மறுத்த கட்டார்

கட்டார் தலைநகர் டோஹாவில் ஹமாஸ் பேரம்பேசுநர்கள் மீதான இஸ்ரேலியத் தாக்குதலுக்கு முன்பதாக கட்டார் அதிகாரிகளுக்கு ஐக்கிய அமெரிக்க ஜனாதிபதி டொனால்ட் ட்ரம்பின் நிர்வாகம் அறிவுறுத்தியதாக தெரிவித்த நிலையில், இதை கட்டார் மறுத்துள்ளது.

டோஹாவில் இஸ்ரேலியத் தாக்குதலால் எழுப்பப்பட்ட வெடிப்புச் சத்தங்களின்போதே ஐ. அமெரிக்க அதிகாரியொருவரிடமிருந்து அழைப்புப் பெறப்பட்டதாக கட்டார் வெளிநாட்டலுவல்கள் அமைச்சின் பேச்சாளர் மஜிட் அல்-அன்ஸாரி எக்ஸில் அறிக்கையொன்றில் குறிப்பிட்டுள்ளார்.

தாக்குதல் ஆரம்பித்த 10 நிமிடங்களிலேயே ஐ. அமெரிக்காவிலிருந்து அழைப்பு வந்ததாக கட்டார் வெளிநாட்டமைச்சர் ஷெய்க் மொஹமட் பின் அப்துல்ரஹ்மான் அல் தனி தெரிவித்துள்ளார்.