ஏழு பேர் விடுதலை குறித்து ’ஆளுநரே முடிவெடுப்பார்’

ராஜீவ் காந்தி படுகொலை வழக்கில் குற்றஞ்சாட்டப்பட்டுள்ள ஏழு பேர் விடுதலை தொடர்பில், இனி ஆளுநரே முடிவெடுக்க வேண்டுமென தமிழக முதலமைச்சர் எடப்பாடி பழனிசாமி தெரிவித்துள்ளார்.

7 பேர் விடுதலை தொடர்பான தீர்மானம் குறித்து ஆளுநரை சந்தித்து வலியுறுத்தினீர்களா என, சட்டப்பேரவையில் எதிர்கட்சித் துணைத் தலைவர் துரைமுருகன், இன்று (09) கேள்வியெழுப்பினார்.

இதன்போது உரையாற்றிய முதலமைச்சர், 7 பேர் விடுதலை விவகாரத்தில், தங்கள் வேலையை சரியாகவே செய்துள்ளதாகவும் எங்கள் அதிகாரித்துக்குட்பட்ட அமைச்சரவையைக் கூட்டி தீர்மானம் நிறைவேற்றி அனுப்பியுள்ளதாகவும் ஆகையால், இனி ஆளுநரே முடிவெடுக்க வேண்டும் என்றும் கூறினார்.

மேலும், தி.மு.க ஆட்சிகாலத்தில் செய்ய முடியாததை, தங்களது ஆட்சியில் தாங்கள் செய்துள்ளதாகவும் அவர் கூறினார்.