சிறுவனைக் கொன்ற குடிபோதையிலிருந்த ஐ. அமெரிக்க படைவீரர்

இத்தாலியின் போர்சியாவில், 15 வயதான சிறுவனை குடிபோதையில் இருந்தபடி காரோட்டும்போது தனது காரால் மோதிய ஐக்கிய அமெரிக்க விமானப் படைவீராங்கனை இத்தாலியில் விசாரணையை எதிர்கொள்ள வேண்டும் எனவும், ஐக்கிய அமெரிக்காவுக்கு திருப்பி அனுப்பக்கூடாது என சிறுவனின் தாயார் தெரிவித்துள்ளார்.

ஐக்கிய அமெரிக்க இராணுவம் தொடர்புபட்ட குறித்த பகுதியில் இடம்பெற்ற மோசமான விபத்துகள் தெரியும் எனத் தெரிவித்த சிறுவனின் தாயார், உண்மை என்னவெனில் இப்பகுதியில் அவர்கள் விரும்பியதைச் செய்யலாமென்றும், தண்டனையைப் பெறாமல் இருக்கலாம் எனக் குறிப்பிட்டதுடன், குறித்த வீராங்கனை தனது தண்டனைக் காலத்தை இங்கே களிக்க வேண்டும் எனக் கூறியுள்ளார்.

டிஸ்கோ ஒன்றிலிருந்தே தனது காருக்குள் படைவீராங்கனை ஏறியுள்ளார்.