மக்களிடம் பணம் பறிக்கும் போலி இணையத்தளங்கள்

டெல்லியில் தங்கள் நிறுவனத்தின் பெயரில் போலியாக இணையதளங்கள், மின்னஞ்சல் முகவரிகளை உருவாக்கி, மக்களை ஏமாற்றி சிலர் பணம் பறிப்பதாகப்  பிரபலமுன்னணி நிறுவனத்தின் சார்பில் புகார் கொடுக்கப்பட்டது.

இதனையடுத்து பொலிஸார் மேற்கொண்ட விசாரணையில் டெல்லி, பீகாரைச் சேர்ந்த 7 பேர் கைது செய்யப்பட்டனர்.

அதேபோல வேறு சில நிறுவனங்கள் அளித்த புகாரின் பேரில் மேற்கொள்ளப்பட்ட 3 நடவடிக்கைகளில், உத்தரபிரதேசம், டெல்லி, மும்பையில் மேலும் 5 பேர் கைது செய்யப்பட்டனர்.

விநியோக உரிமை தருவதாகவும், நிதிச் சேவை வழங்குவதாகவும் கூறி அவர்கள் மக்களை ஏமாற்றி பணம் பறித்துள்ளமை தெரிய வந்துள்ளது.  

இந்நிலையில் இது குறித்தது  மேலதிக விசாரணைகளைப்  பொலிஸார் முன்னெடுத்து வருகின்றனர்.