வான் விபத்தில் 8 மாணவர்கள் பலி

உத்தரகாண்ட் மாநிலத்தில் பாடசாலை வான் ஒன்று விபத்துக்குள்ளானதில் 8 பாடசாலை மாணவர்கள் பலியாகியுள்ளனர்.

இந்த விபத்து, இன்று (06) காலை இடம்பெற்றுள்ளது.

உத்தரகாண்ட் மாநிலத்தின் தேக்ரி மாவட்டத்திலுள்ள மந்தாகினி நகரை நோக்கிச் சென்ற பாடசாலை வானே பள்ளத்தில் பாய்ந்து விபத்துக்குள்ளாகியுள்ளது.

இந்த விபத்தில் 8 மாணவர்கள் சம்பவ இடத்திலேயே உயிரிழந்துள்ளதுடன், மேலும் 10 மாணவர்கள் காயம் அடைந்த நிலையில் வைத்தியசாலையில் அனுமதிக்கப்பட்டுள்ளதாக இந்திய ஊடகங்கள் செய்தி வெளியிட்டுள்ளன.

இந்த சம்பவம் குறித்த மேலதிக விசாரணைகளை பொலிஸார் மேற்கொண்டு வருகின்றனர்