கிளிநொச்சி மாவட்ட விளையாட்டுக் கழகங்களை வலுவுட்டும் நடவடிக்கை

(ஹேமந்த்)

கிளிநொச்சி மாவட்டத்திலுள்ள விளையாட்டுக் கழகங்களையும் விளையாட்டு வீரர்களையும் வலுவுட்டும் நடவடிக்கை ஆரம்பமாகவுள்ளதாகத் தெரிவிக்கப்பட்டுள்ளது. அத்துடன் பாடசாலைகளில் விளையாட்டுத் திறனை வளர்க்கும் நடவடிக்கையும் மேற்கொள்ளப்படவுள்ளது.

இதன்படி நாளை காலை கிளிநொச்சி மகா வித்தியாலயத்தில் பாடசாலை மாணவர்களுக்கான விளையாட்டு உபகரணங்கள் வழங்கப்படவுள்ளன. இந்த நிகழ்வில் பிரதம விருந்தினராக விளையாடடுத்துறை அமைச்சர் மஹிந்தானந்த அளுத்கமகே கலந்து கொள்ளவுள்ளார்.

இதைத் தொடர்ந்து மாவட்டத்தின் ஏனைய விளையாட்டுக் கழகங்களுக்கும் விளையாட்டு வீரர்களுக்குமான வலுவுட்டலுக்கான ஏற்பாடுகளை அமைச்சர் ஆரம்பித்து வைக்கவுள்ளதாகவும் தெரிவிக்கப்படுகிறது.