அம்பாறை, திருமலை அணிகள் சம்பியன்

(கே.எஸ்.வதனகுமார்)

தேசிய இளைஞர் சேவைகள் மன்ற கிழக்கு மாகாண ஆண் பெண் இருபாலாருக்குமான ரூபவாகினி கரப்பந்தாட்டச் சுற்றுப் போட்டி சனிக்கிழமை மட்டக்களப்பு கல்லடி விபுலானந்தா விளையாட்டுக் கழக மைதானத்தில் கிழக்க மாகாணப் பணிப்பாளர் கே.தவராசா தலைமையில் இடம்பெற்றது.

இப்போட்டியில் கிழக்கு மாகாணத்தில் இருந்து விண்ணப்பித்த சுமார் 18 அணிகள் கலந்து கொண்டன. ஆண்களுக்கான போட்டியில் திருகோணமலை அணி சம்பியனாகத் தெரிவு செய்யப்பட்டதுடன் பெண்கள் பிரிவில் அம்பாறை அணி சம்பியனாகத் தெரிவு செய்யப்பட்டது.

இந்நிகழ்வில் தேசிய இளைஞர் சேவைகள் மன்ற மட்டக்களப்பு மாவட்ட உதவிப் பணிப்பாளர் ஏ.ஜீ.ஏ.கபூர் மற்றும் மாவட்ட இளைஞர் சேவை அலுவலகர் திருமதி ஜே.கலாராணி ஆகியோர் கலந்து கொண்டனர்.