கால்பந்தாட்ட சம்மேளனம் நடத்தும் கால்பந்தாட்ட இறுதி போட்டி கம்பஹாவில் நடைபெறவுள்ளது

(அதீம் ஸுபைர்)

இலங்கை கால்பந்தாட்ட சம்மேளணம் நடாத்தும் பிரிவு மூன்றுக்கான கால்பந்தாட்ட சுற்றுத் தொடரின் இறுதிப் போட்டி இம்மாதம் நாளை மறுதினம் சனிக்கிழமை கம்பஹா ஸ்ரீபோதி கல்லூரி மைதானத்தில் இடம்பெறவுள்ளது.

இப் போட்டியில் திஹாரிய யூத் விளையாட்டுக் கழகமும் காலி கெடேரியன்ஸ் விளையாட்டுக் கழகமும் மோதவுள்ளன.

திஹாரிய யூத் விளையாட்டுக் கழகமானது அரை இறுதியில் மன்னார் செந்.லூஸியஸ் விளையாட்டுக் கழகத்தை வென்றதுடன், கெடேரியன்ஸ் அணியானது ஹட்டன் அணியையும் வென்றது.

இறுதிப் போட்டிக்கு தெரிவு செய்யப்பட்டுள்ள இரு அணிகளும் இவ்வருடம் முதல் பிரிவு இரண்டில் விளையாடவுள்ளன.