கால்பந்தாட்டப் போட்டியில் மானிப்பாய் இந்துக் கல்லூரி வெற்றி

(கிரிசன்)

வலிகாமம் கல்வி வலயப் பாடசாலை அணிகளுக்கு இடையே நடைபெற்ற 17 வயதுப் பிரிவினர்களுக்கான கால்பந்தாட்டப் போட்டியில் மானிப்பாய் இந்துக் கல்லூரி வலய சம்பியனாக தெரிவு செய்யப்பட்டது.

சுழிபுரம் விக்ரோறியாக் கல்லூரி மைதானத்தில் நடைபெற்ற இறுதிப்போட்டியில் வயாவிளான் மத்திய மகா வித்தியாலயமும் மானிப்பாய் இந்துக் கல்லூரியும் மோதிக் கொண்டன.

போட்டி ஆரம்பமாகி 5ஆவது நிமிடத்தில் மானிப்பாய் இந்துக் கல்லூரி ஒரு கோலைப் பெற்றுக்கொண்டது. போட்டி விறுவிறுப்பாக நடைபெற்ற நிலையில் முதல் பாதி ஆட்டம் நிறைவுபெற்றது.

இரண்டாம் பாதி ஆட்டத்தில்  இரு அணிகளும் கோல்கள் எதனையும் பெறாத நிலையில் ஆட்டம் முடிவடைந்தது.
ஆட்ட நிறைவில் மானிப்பாய் இந்துக் கல்லூரி 01 : 00 என்ற கோல் கணக்கில் வயாவிளான் மத்திய மகாவித்தியாலயத்தை வெற்றி பெற்றது.