கொல்டன் ஸ்டார் கழகத்தை வீழ்த்திய வேல்ஸ் கழகம்

Super User / 2014 ஜூலை 20 , பி.ப. 02:50 - 0 - {{hitsCtrl.values.hits}}

- எஸ்.சசிக்குமார்

திருகோணமலை ஜோஸ் விளையாட்டுக்கழகம் நினைவாக மட்டுப்படுத்தப்பட்ட 8 பந்துப்பரிமாற்றங்களை கொண்ட மென்பந்து சுற்றுப்போட்டி ஸ்ரீ கோணேஸ்வரா இந்துக்கல்லூரி மைதானத்தில் சனிக்கிழமை மற்றும், ஞாயிற்றுக்கிழமைகளில் (19,20) நடத்தப்படடன.

20 கழகங்கள் பங்குபற்றிய இச் சுற்றுப்போட்டியின் இறுதிப்போட்டியில் வேல்ஸ் கழகத்தை எதிர்த்து வெள்ளைமணல் கொல்டன் ஸ்டார் கழகம் மோதியது. நாணயச்சுழற்சியில் வெற்றி பெற்ற கோல்டன் ஸ்டார் கழகம் களத்தடுப்பைத் தெரிவு செய்தது.

முதலில் துடுப்பெடுத்தாடிய வேல்ஸ் கழகம் 6 இலக்குகளை இழந்து 63 ஓட்டங்களைப் பெற்றுக் கொண்டது. ஆரம்ப துடுப்பாட்ட விரர்களான சதீஸ், பா.வசந்தகுமார் முறையே 22, 15 ஓட்டங்களைப் பெற்றுக் கொடுத்தனர்.

பதிலுக்கு களமிறங்கிய கோல்டன் ஸ்டார் கழகத்தினர் 6.2 பந்துப்பரிமாற்றங்களில் சகல இலக்குகளையும் இழந்து 30 ஓட்டங்களை மாத்திரம் பெற்றுக் கொண்டனர். இதன் மூலம் வேல்ஸ் கழகம் 33 ஓட்டங்களால் வெற்றி பெற்று சம்பியனானது.

இச்சுற்றுப்போட்டியில் வேல்ஸ் விளையாட்டுக்கழகத்தைச் சேர்ந்த பா.வசந்தகுமார் சிறந்த துடுப்பாட் வீரராகவும், எஸ்.திவாகரன் சிறந்த பந்து வீச்சாளராகவும். தெரிவு செய்யப்பட்டு விருதுகள் வழங்கி வைக்கப்பட்டன. போட்டி ஆட்டநாயகனாக சதீஸ் தெரிவு செய்யப்பட்டார்.

சம்பியனான வேல்ஸ் கழகத்திற்கு வெற்றிக்கிணத்துடன் 20,000 ரூபாய் பணப்பரிசும். இரண்டாம் இடம் பெற்ற கொல்டன் ஸ்டார் கழகத்திற்கு வெற்றிக்கிணணத்துடன் 10,000 ரூபாய் பணப்பசரிசும். மூன்றாம் இடத்தை பெற்ற நொமனஸ் கழகத்திற்கு வெற்றிக்கிண்ணத்துடன் 5,000 ரூபாய் பணப்பரிசும் வழங்கி வைக்கப்பட்டது.

புனித சூசையப்பர் கல்லூரி அதிபர் அருட்தந்தை அன்ரனி பொன்சியன் பிரதம அதிதியாக கலந்து கொண்டு சிறப்பித்தமை குறிப்பிடத்தக்கது.

Comments - 0

அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .