அல்-அஸ்ரக் தேசிய பாடசாலை, மாகாணப் போட்டிக்கு தகுதி

-எஸ்.எம்.அறூஸ்

கல்முனை கல்வி வலய பாடசாலைகளுக்களுக்கிடையிலான15 வயதுக்குட்பட்ட பிரிவினருக்கிடையில் நடத்தப்பட்ட பட்மின்டன் சுற்றுப்போட்டியில் நிந்தவூர் அல்-அஸ்ரக் தேசிய பாடசாலை சம்பியனாக தெரிவாகியுள்ளது.

நிந்தவூர் அல்-அஸ்ரக் தேசிய பாடசாலைக்கும் மருதமுனை அல்-மனார் மத்திய கல்லூரிக்குமிடையிலான பட்மின்டன் இறுதிப்போட்டி, கல்முனை வை.எப்.சி.உள்ளக அரங்கில் ஞாயிற்றுக்கிழமை நடைபெற்றது.

இந்த போட்டியில் வெற்றிபெற்றதையடுத்து, நிந்தவூர் அல்-அஸ்ரக் தேசிய பாடசாலை, ஒற்றையர் பிரிவில் சம்பியனானது.

இதேவேளை, 19 வயதுக்குட்டபட்ட பிரிவினருக்கிடையிலான பட்மின்டன் சுற்றுப்போட்டியில் நிந்தவூர் அல்-அஸ்ரக் தேசிய பாடசாலை ஒற்றையர் பிரிவில் இரண்டாமிடத்தைப் பெற்றுக்கொண்டது.

இந்த வெற்றிகள் மூலம் மூலம் நிந்தவூர் அல்-அஸ்ரக் தேசிய பாடசாலையின் பட்மின்டன் அணி, மாகாணப் போட்டிக்குத் தெரிவாகியுள்ளதாக பாடசாலையின் விளையாட்டுப் பொறுப்பாசிரியர் எம்.பி.மஹ்றூப் தெரிவித்தார்.