அஸ்கரியன் சுப்பர் லீக்: சம்பியனான சுப்பர் கிங்ஸ்

திருகோணமலை/ கிண்ணியா அல்-அக்ஸா தேசிய பாடசாலையால் ஒழுங்கமைக்கப்பட்ட அஸ்கரினயன் சுப்பர் லீக் கால்பந்தாட்டத் தொடரில், சுப்பர் கிங்ஸ் சம்பியனானது.

மைலோவின் அனுசரணையில் நடைபெற்ற எட்டு அணிகள் கொண்ட இத்தொடரின் நேற்று நடைபெற்ற இறுதிப் போட்டியில், றேசிங்க் ஸ்டாரை 1-0 என்ற கோல் கணக்கில் வென்றே சுப்பர் கிங்ஸ் சம்பியனாகியிர்ருந்தது.

சுப்பர் கிங்ஸ் சார்பாகப் பெறப்பட்ட கோலை டி.எம் றொஷான் பெற்றிருந்தார்.

தமது அரையிறுதிப் போட்டியில், ஜுப்பிட்டர்ஸை 3-1 என்ற கோல் கணக்கில் வென்று சுப்பர் கிங்ஸும், சுப்பர் பைட்டர்ஸை 2-1 என்ற கோல் கணக்கில் வென்றும் றேசிங்க் ஸ்டாரும் இறுதிப் போட்டிக்குத் தகுதிபெற்றிருந்தன.