வீடொன்றின் மீது துப்பாக்கிச் சூடு

அக்மீமன, ஆனங்கொட பிரதேசத்தில் உள்ள வீடொன்றின் மீது திங்கட்கிழமை (23) காலை துப்பாக்கிச் சூடு நடத்தப்பட்டதாக அக்மீமன பொலிஸார் தெரிவித்தனர்.

இந்த துப்பாக்கிச் சூட்டில் வீட்டில் இருந்த யாருக்கும் காயம் ஏற்படவில்லை எனவும் வீட்டின் ஜன்னல் ஒன்று சேதமடைந்துள்ளதாகவும் பொலிஸார் தெரிவித்தனர்.

மேலும், 9 மிமீ துப்பாக்கியால் இந்த துப்பாக்கிச் சூடு நடத்தப்பட்டதாக பொலிஸ் விசாரணையில் தெரியவந்துள்ளது.

துப்பாக்கிச் சூட்டுக்கான காரணம் இதுவரை வெளியாகாத நிலையில் இது தொடர்பாக அக்மீமன பொலிஸார் விசாரணைகளை மேற்கொண்டு வருகின்றனர்.