முழு நிலவுக் கலை விழா

-எஸ்.என்.நிபோஜன்

கிளிநொச்சியில்  முழு நிலவுக் கலை விழா நிகழ்வின்  நிலவின்  முற்றம்  பாகம்  இரண்டு  ஞாயிற்றுக்கிழமை(19)  மாலை  ஆறு  மணியளவில் பண்டிதர்  பரந்தாமன்  கவின் கலை கல்லூரி கலையரங்கில் இடம்பெற்றது.

இந்நிகழ்வை, பண்டிதர்  பரந்தாமன்  கவின்கலை  கல்லூரியும் யோகர் சுவாமிகள் நற்பணி மன்றமும்  காவேரி கலாமன்றமும்  இணைந்து நடாத்தின.

பரந்தாமன் கவின் கலை கல்லூரியின் துணை நிறுவுனர் திரு.சி.ஜீவநாயகம் தலைமையில் நடைபெற்ற இந்த  நிகழ்வில்,  நடன  நிகழ்வுகள், பாடல்கள், கர்நாடக  சங்கீத  இசை  விருந்துகள் நடை பெற்றது.

அதனைத்  தொடர்ந்து,  போட்டிகளில் பங்குபற்றியவர்களுக்கான  சான்றிதழ்களும்  வழங்கப்பட்டன.

இதில், பிரதம விருந்தினர்களாக கிளிநொச்சி   தமிழ்  உதவிக்கல்விப்பணிப்பாளர்  பிரேமா மதுரநாயகம், ஓய்வு நிலை அதிபர் அ.கனகரட்னம், மூத்த சிறுகதை  எழுத்தாளர் இ.நடராஜா மற்றும் பலர் கலந்துகொண்டனர்.