26ஆம் திகதி இந்து சமய பொதுப்பரீட்சை

அறநெறிப் பாடசாலை மாணவர்களின் வரவை அதிகரிக்க வேண்டும் எனும் நோக்கத்துடன், ஆண்டு இறுதிப் பரீட்சை போன்று இப்பொதுப் பரீட்சை வருடாந்தம் நடைபெறுவாதாக இந்து சமய கலாசார அலுவல்கள் திணைக்களத்தின் உதவிப் பணிப்பாளர் அ.உமாமகேஸ்வரன் தமிழ் மிரருக்குத் தெரிவித்தார்.  

இப்பரீட்சைக்கு 22 மாவட்டங்களைச் சேர்ந்த 77,000 மாணவர்கள் தோற்றவுள்ளனர். இதற்கென 183 பரீட்சை நிலையங்கள் நிறுவப்பட்டுள்ளன என்றும் அவர் தெரிவித்தார்.

பரீட்சைக்கு தோற்றுவதற்காக விண்ணப்பித்த அறநெறி பாடசாலை மாணவர்களுக்கான சுட்டெண்கள் அந்தந்த அறநெறிப் பாடசாலைகளுக்கு ஏற்கெனவே அனுப்பிவைக்கப்பட்டுள்ளன என்றும் அவர் மேலும் தெரிவித்தார்.