560 லீட்டர் மதுபானத்துடன் ஒருவர் கைது

மொரட்டுவ, பொல்கொட ஏரிக்கு அருகில், 560 லீட்டர் சட்டரீதியான மதுபானத்தை மீட்டுள்ள ஹிராண பொலிஸார், இதனுடன் தொடர்புடையவர் என்று சந்தேககிக்கப்படும் நபரொருவரையும் கைது செய்துள்ளனர்.

இந்த சட்டவிரோத மதுபானம் உற்பத்தி செய்யப்படும் இடம், ஒரு சதுப்பு நிலத்திலேயே அமைக்கப்பட்டிருந்ததாகவும் பொலிஸாரால் மேற்கொள்ளப்பட்ட அதிரடி சுற்றிவளைப்பின் போதே, மதுபான உற்பத்தி நிலையத்தை முற்றுகையிட முடிந்ததாகவும் தெரிவிக்கப்படுகின்றது.

கைது செய்யப்பட்ட மொரட்டுவ பகுதியைச் சேர்ந்த நபர் தொடர்பில் ஏற்கெனவே பல வழக்குகள் தொடரப்பட்டு வருவதாகவும் சட்டவிரோத மதுபான உற்பத்தியில் இவர் தலைவராக செயற்பட்டு வருகின்றனர் என்றும் மொரட்டுவ பொலிஸார் தெரிவித்துள்ளனர்.

இது தொடர்புடைய மேலதிக விசாரணைகளை பொலிஸார் மேற்கொண்டு வருகின்றனர்.