Editorial / 2025 ஓகஸ்ட் 04 , பி.ப. 02:28 - 0 - {{hitsCtrl.values.hits}}
டி.கே.பி.கபில
கட்டுநாயக்க சர்வதேச விமான நிலையத்திலிருந்து ஐந்து லட்சம் ரூபாய் மதிப்புள்ள வெளிநாட்டு மதுபான போத்தல்களை கொண்டு சென்ற இரண்டு கடத்தல்காரர்களை, திங்கட்கிழமை (04) அதிகாலை கைது செய்த கட்டுநாயக்க பொலிஸ் அதிகாரிகள் குழு, வானில் இருந்து 35 வெளிநாட்டு கடவுச்சீட்டுகளையும் மீட்டுள்ளனர்.
இந்தக் கடத்தல் நடவடிக்கையின் முக்கிய சந்தேக நபர் தியாத்தலாவைச் சேர்ந்த 22 வயதுடையவர். மாதத்திற்கு 15 முறை பறந்து வருகிறார். வத்தளையைச் சேர்ந்த 40 வயதானவர் கடந்த இருபது ஆண்டுகளாக இந்த வர்த்தகத்தில் ஈடுபடுபவர் என்பது தெரியவந்துள்ளது.
இறந்த பெண்கள், துறவிகள், மாணவர்கள் ஆகியோரின் கடவுச்சீட்டுகள் மற்றும் காலாவதியான மற்றும் செல்லாத கடவுச்சீட்டுகள் அவரிடம் இருந்தன. அவற்றில், இந்த பிரதான கடத்தல்காரருக்குச் சொந்தமான 06 கடவுச்சீட்டுகள் இருந்தன என்பது குறிப்பிடத்தக்கது.
கட்டுநாயக்க விமான நிலைய வரி இல்லாத ஷொப்பிங் வளாகத்தில் இருந்து இந்த வெளிநாட்டு மதுபான இருப்பைப் பெற அவர் இந்த கடவுச்சீட்டுக்களை பயன்படுத்தி, அதன் ஒரு பகுதியை கட்டுநாயக்க விமான நிலையத்திலிருந்து மற்றொரு வாகனத்தில் எடுத்துச் சென்றுள்ளார்.
கட்டுநாயக்க பொலிஸாரால் கைப்பற்றப்பட்ட 30 வெளிநாட்டு மதுபான போத்தல்களின் உள்ளூர் மதிப்பு 147,000 ரூபாயாகும் மற்றும் 1,376 அமெரிக்க டாலர்களுக்கு கூடுதலான மதிப்புள்ள வோட்கா, டெக்கீலா மற்றும் விஸ்கி போத்தல்களும் அடங்கும்.
பொலிஸாரால் கைது செய்யப்பட்ட மற்றொரு கடத்தல்காரர் வத்தளைப் பகுதியில் வசிக்கும் 40 வயதுடைய வேன் ஓட்டுநர் ஆவார்.
இந்த சம்பவம் குறித்து கட்டுநாயக்க பொலிஸாரின் அதிகாரிகள் தற்போது விரிவான விசாரணையைத் தொடங்கியுள்ளனர்.
கடத்தல்காரர்கள் இருவரும் மினுவாங்கொடை நீதவான் நீதிமன்றத்தில் பறிமுதல் செய்யப்பட்ட கடவுச்சீட்டுகளுடன் ஆஜர்படுத்தப்பட உள்ளனர்
அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .
