151 இந்தியர்கள் இலங்கையை வந்தடைந்தனர்

வெளிநாட்டு கப்பல் நிறுவனங்களில் பணியாற்றி வந்த, 151 இந்தியர்கள் நேற்று (22) இரவு கட்டுநாயக்க விமானநிலையத்தை வந்தடைந்தனர்.

இந்தியாவின் மும்பை நகரிலிருந்து ஸ்​பைஷ் ஜெட் விமான சேவையின் விஷேட விமானம் மூலம் இவர்கள் இலங்கையை வந்தடைந்தனர்.

வருகைத் தந்த 11 பேர் கட்டார் நாட்டுக்கு ​அனுப்பப்படவுள்ளதுடன், ஏனைய 140 பேரும் கொழும்பு துறைமுகத்தில் நங்கூரமிடப்பட்டுள்ள கப்பலில் பணியாற்ற வருகைத் தந்துள்ளதாகவும் தெரிவிக்கப்படுகின்றது.

இலங்கைக்கு அழைத்து வரப்பட்ட இவர்கள் அனைவரும் பி.சி.ஆர் பரிசோதனைக்கு உட்படுத்தப்பட்டுள்ளதாகவும் விமான நிலையத் தகவல்கள் தெரிவிக்கின்றன.