‘19 ஆல் நாடு பிளவடையலாம்’

எஸ்.ஷிவானி

19ஆவது திருத்தத்தில் பாரிய நெருக்கடிகள் காணப்படுவதால், நாட்டின் ஆட்சி பிளவடைய இடமுண்டெனத் தெரிவித்த, ஸ்ரீ லங்கா சுதந்திரக் கட்சியின் பொதுச்  செயலாளரும் நாடாளுமன்ற உறுப்பினருமான தயாசிறி ஜயசேகர, ஜனாதிபதி மைதிரிபால சிறிசேனவை ஆட்சி பீடமேற்றி, ஐக்கிய தேசியக் கட்சி அவரை ஏமாற்றமடையச் செய்துள்ளதெனத் தெரிவித்தார்.

ஸ்ரீ லங்கா சுதந்தரிக் கட்சி தலைமையகத்தில் நேற்று (25) இடம்பெற்ற செய்தியாளர் சந்திப்பிலேயே, அவர் இதனைத் தெரிவித்தார்.

இதன்போது தொடர்ந்து கருத்துரைத்த அவர், ஏகாதிப்பத்தியத்தை ஒழிக்க வேண்டுமென,  19ஆவது திருத்தம் கொண்டுவரப்பட்டாலும், இதன் மூலம்  நாடு அராஜக பாதையில்  பயணிக்க இடமுள்ளதாகத் தெரிவித்தார்.