காதல் ஜோடியிடம் கப்பம் பெற்ற பொலிஸார் மூவர் கைது

காதல் ஜோடியிடம் கப்பம் பெற்ற பொலிஸார் மூவரை சந்தேகத்தின் பேரில் கைதுசெய்துள்ளதாக பொலிஸார் தெரிவித்தனர்.

இந்த சம்பவம் கொழும்பு, கறுவாத்தோட்டம் பாடசாலைக்கு அண்மையில் புதன்கிழமை இரவு இடம்பெற்றுள்ளது. பொலிஸ் அதிகாரிகள் இருவர் மற்றும் பொலிஸ் சாரதி ஆகிய மூவரையே கறுவாத்தோட்ட பொலிஸார் கைதுசெய்துள்ளனர். 

அந்த ஜோடியிடம் பொலிஸார் மூவரும் 6ஆயிரம் ரூபாவை கப்பமாக கோரியதாகவும் அந்த ஜோடியிடம் 2 ஆயிரம் ரூபாவை கப்பமாக கொடுத்துள்ளதாகவும், அந்த பொலிஸாரிடம் 5ஆயிரம் ரூபாய் இருந்துள்ளதாக பொலிஸார் தெரிவித்தனர்.

பொலிஸார், கடமைகளுக்கு பொலிஸார் செல்லும் போது தம்வசம் இருக்கின்ற பணத்தின் அளவு தொடர்பில் பொலிஸ் புத்தகத்தில் குறித்துகொள்ளவேண்டும். எனினும், அந்தபொலிஸார் மூவரும் தங்ளுடைய பொலிஸ் புத்தகத்தில் குறித்திகொண்டிருக்கவில்லை என்றும் தெரிவிக்கப்படுகின்றது.