யுவதி கொலை: இருவர் கைது

பிலியந்தல, கஹபொல பகுதியில் கடந்த ஜனவரி மாதம் 20 வயதான யுவதி கொலை செய்யப்பட்ட சம்பவத்துடன் தொடர்புடைய இருவரை கைதுசெய்துள்ளதாக பொலிஸார் தெரிவித்தனர்.

பிலியந்தல பகுதியிலுள்ள தனியார் நிறுவனமொன்றில் பணியாற்றிய சூரியவெவ பிரதேசத்தைச் சேர்ந்த யுவதி கடந்த ஜனவரி 28ஆம் திகதி முதல் காணாமல் போயுள்ளார் என தமக்கு முறைப்பாடு கிடைத்ததாக பொலிஸார் தெரிவித்தனர்.

இதனையடுத்து பிலியந்தல பொலிஸார் மேற்கொண்ட  விசாரணைகளின் போதே 21 மற்றும் 24 வயதான இருசந்தேக நபர்கள் கைது செய்யப்பட்டுள்ளனர்.

குறித்த யுவதி கொலை செய்யப்பட்டு அவரது சடலம் பொல்கொட வன பிரதேசத்தில் எரிக்கப்பட்டிருந்தமை குறிப்பிடத்தக்கது.