’7500 ரூபாய் கொடுப்பனவை வழங்க வேண்டும்’

சமுர்த்தி பயனாளர்களுக்கு வழங்க தீர்மானித்துள்ள 7,500 ரூபாய் நிவாரண கொடுப்பனவை அரசாங்கம் தோட்ட தொழிலாளர்களுக்கும் வழங்க வேண்டும் என ஐக்கிய மக்கள் சக்தியின் பாராளுமன்ற உறுப்பினர் வீ. இராதாகிருஸ்ணன் வலியுறுத்தியுள்ளார்.

அத்துடன் சதொச விற்பனை நிலையத்தின் பொருட்களை பெருந்தோட்ட மக்கள் பெற்றுக்கொள்ளும் விசேட செயற்திட்டம் அறிமுகப்படுத்தப்பட வேண்டும் என  அவர் நேற்று சபையில் தெரிவித்தார்.

போதிய வருமானம் இல்லாமல் பாதிக்கப்பட்டிருந்த பெருந்தோட்ட மக்கள் தற்போது பொருளாதார நெருக்கடியினால் மேலும் பாதிக்கப்பட்டுள்ளார்கள் எனவும் வீ. இராதாகிருஸ்ணன் தெரிவித்துள்ளார். (a)