ஃபானியின் கோரம்: மறுவாக்குப்பதிவு நடைபெறும்

இந்திய நாடாளுமன்றத் தேர்தல் களம் இறுதிக் கட்டத்தை எட்டியுள்ள நிலையில், ஒடிசா மாநிலத்தில் ஃபானி புயலால் பாதிக்கப்பட்ட பகுதிகளில் மறுவாக்குப்பதிவு நடைபெறவுள்ளது.

குறித்த புயலினால் பாதிக்கப்பட்ட பூரி மாவட்டத்தின் மூன்று வாக்குச்சாவடிகள் உட்பட 34 வாக்குச்சாவடிகளில் மறுவாக்குப்பதிவு நடத்தப்படவுள்ளதாக தேர்தல் திணைக்களம் தெரிவித்துள்ளது.

வங்கக்கடலில் நிலைகொண்டிருந்த ஃபானி புயல் கடந்த மூன்றாம் திகதி ஒடிசா மாநிலத்தை தாக்கியது. இதன் காரணமாக குறித்த மாநிலத்தில் 60இற்கும் மேற்பட்டோர் உயிரிழந்ததுடன், சுமார் 525 கோடி ரூபாய் மதிப்புள்ள சொத்துக்களுக்கும் சேதம் ஏற்பட்டுள்ளதாக அம்மாநில அரசு தெரிவித்திருந்தமை குறிப்பிடத்தக்கது.