அதிகாரிகளை தாக்கிய அறுவர்

சமுர்த்தி அதிகாரி மற்றும் கிராம உத்தியோகத்தரை தாக்கி அவர்களது கடமைகளுக்கு இடையூறு விளைவித்த இரண்டு பெண்கள் உள்ளிட்ட அறுவர் சிலாபம்-தெமட்டபிட்டிய பகுதியில், நேற்று(25) கைதுசெய்யப்பட்டுள்ளனர்.

இந்நிலையில், தற்போது நாட்டில் நிலவும் சூழ்நிலையைக் கருத்திற்கொண்டு இவர்கள்  பிணையில் விடுதலை செய்யப்பட்டுள்ளனர்.

இதற்கமைய, தலா 5 இலட்சம் ரூபாய் பெறுமதியான சரீரப் பிணையில்; இவர்கள் விடுதலை செய்யப்பட்டுள்ளதுடன், ஓகஸ்ட் 4 ஆம் திகதி வழக்குக்கு ஆஜராகுமாறு உத்தரவிடப்பட்டுள்ளது.