அமைதியான முறையில் தபால் மூல வாக்களிப்பு

எல்பிட்டிய பிரதேச சபைக்கான தபால் மூல வாக்களிப்பு அமைதியான முறையில் இடம்பெற்றதாக காலி மாவட்ட தேர்தல் தெரிவத்தாட்சி அலுவலகர் சோமரத்ன விதானபத்திரன தெரிவித்துள்ளார்.

269 வாக்களிப்பு நிலையங்களில் தபால் மூல வாக்களிப்பு நடைபெற்றது.

காலை 9 மணி முதல் அரச ஊழியர்கள் வாக்களித்து வந்தனர்.

இந்த தேர்தலில் தபால் மூலம் வாக்களிப்பதற்கு 1192 பேர் தகுதி பெற்றிருந்தனர்.

தபால் மூல வாக்களிப்பு நிலையங்களுக்கு தேவையான பாதுகாப்பு நடவடிக்கைகள் முன்னெடுக்கப்பட்டுள்ளதாக காலி மாவட்ட தேர்தல் தெரிவத்தாட்சி அலுவலகர் சோமரத்ன விதானபத்திரன சுட்டிக்காட்டியுள்ளார்.

இதேவேளை, இன்று தபால் மூலம் வாக்களிக்க முடியாதவர்கள் எதிர்வரும் 4 ஆம் திகதி வாக்களிப்பதற்கு சந்தர்ப்பம் வழங்கப்பட்டுள்ளது.

அத்துடன், எல்பிட்டிய பிரதேச சபை தேர்தல் எதிர்வரும் 11 ஆம் திகதி நடைபெறவுள்ளதுடன், 53,384 பேர் வாக்களிக்க தகுதி பெற்றுள்ளனர்.