‘அறிக்கை விரைவில் கையளிக்கப்படும்’

குருநாகல் நகரில் காணப்பட்ட பழமை வாய்ந்த, புவனேகுபா மன்னனின் ராஜசபை கட்டடத்தை உடைத்த சம்பவம் ​தொடர்பில் முன்னெடுக்கப்படும் விசாரணைகள் ​தொடர்பான அறிக்கையை, விரைவில் கையளிக்கவுள்ளதாக தொல்பொருள் திணைக்கள பணிப்பாளர் கலாநிதி செனரத் திசாநாயக்க தெரிவித்துள்ளார்.

குறித்த சம்பவம் தொடர்பில் ஆராய, பிரதமரால் ஐவரடங்கிய குழுவொன்று நியமிக்கப்பட்டுள்ளதுடன், அந்த குழுவால் வழங்கப்படும் அறிக்கையை செவ்வாய்க்கிழமைக்கு முன்னர் வழங்க முடியும் என்றும் தெரிவித்துள்ள இந்த குழுவின் தலைவரான செனரத் திசாநாயக்க, முழுமையான அறிக்கையை நாளைய தினம் பெறுவதற்கு முயற்சிப்பதாகவும் தெரிவித்துள்ளார்.