ஆட்டோ விபத்தில் பெண் சிசு மரணம்

குருநாகல் பொலிஸ் பிரிவுக்குட்பட்ட குருநாகல்-புத்தளம் பிரதான வீதியில் புத்தளத்திலிருந்து குருநாகல் நோக்கிச்சென்ற  ஆட்டோ, வீதியைவிட்டு விலகி விபத்துக்குள்ளாகியுள்ளது.

இந்த விபத்தில் ஆட்டோ சாரதி உட்பட ஒரே குடும்பத்தைச் சேர்ந்த 3 பேர் காயமடைந்துடன் பெண் சிசு உயிரிழந்துள்ளது.

திங்கட்கிழமை மாலை 4 மணியளவில் இடம்பெற்ற இந்த விபத்தில் காயமடைந்தவர்கள் வைத்தியசாலையில் அனுமதிக்கப்பட்ட பின்னர் அதில் 2 மாதங்களேயான பெண் சிசு உயிரிழந்ததாக பொலிஸ் ஊடகபேச்சாளர் அலுவலகம் தெரிவித்துள்ளது.

ஆட்டோ சாரதியான தந்தை மற்றும் தாய், 2 வயது ஆண் பிள்ளை ஆகியோர் குருநாகல் வைத்தியசாலையில் தொடர்ந்து சிக்சைப் பெற்று வருகின்றனர்.

உயிரிழந்த சிசுவின் சடலம், குருநாகல் வைத்தியசாலையின் சவச்சாலையில் வைக்கப்பட்டுள்ளதுடன் மேலதிக விசாரணைகளை முன்னெடுத்து வருவதாக பொலிஸ் ஊடகப் பேச்சாளர்  அலுவலகம் மேலும் குறிப்பிட்டுள்ளது.