இடை விலகியவர்களுக்கு பொதுமன்னிப்பு

இராணுவ சேவையில் இருந்து இடை விலகிய அனைத்து இராணுவத்திரையும் இராணுவ சேவையில் இருந்து உத்தியோகபூர்வமான விலகளை பெற்றுக்கொள்வதற்கான பொதுமன்னிப்பு காலம், ஜனாதிபதியால் வழங்கப்பட்டுள்ளதாக, இலங்கை இராணுவத்தால் வௌியிடப்பட்டுள்ள ஊடக அறிக்கையில் கூறப்பட்டுள்ளது.

இதற்கமைய, ஏப்ரல் 22 தொடக்கம் மே மாதம் 10ஆம் திகதி வரை நான்கு நிபந்தனைகளின் அடிப்படையில் வழங்கப்பட்டுள்ளது.

சேவையில் இருந்து விலகுவதற்கான இப்புதிய திட்டத்தின் கீழ், இடைவிலகியவர்கள் நேரடியாக தங்களது படையணித் தலைமையகத்துக்கு சென்று அல்லது தொடர்புகொண்டு குறிப்பிட்ட பொதுமன்னிப்பு காலத்துக்குள் அவர்களுடைய விலகளை பெற்றுக்கொள்ள முடியும்.

மேலும் 6 மாதங்களுக்கு மேலாக சேவையை விட்டு விலகியவர்கள், மீண்டும் இராணுவத்தில் இணைய வேண்டுகோள் விடுக்கும் பட்சத்தில், அவர்களை மீள் இணைப்பது சம்பந்தமாகவும் கவனத்திற்கொள்ளப்படும் என்றும், அந்த அறிக்கையில் தெரிவிக்கப்பட்டுள்ளது.