இரண்டு சடலங்கள் மீட்பு

கற்பிட்டி - நுரைச்சோலை, ஆராச்சிகட்டு - முத்துபந்திய கடற்கரைகளில் அடையாளந்தெரியாத இருவரின் சடலங்கள் கரையொதுங்கியுள்ளன.

புத்தளம் - நுரைச்சோலை பொலிஸ் பிரிவுக்குட்பட்ட தலுவ பகுதியில் இன்று காலை சடலமொன்று கரையொதுங்கியுள்ளது. ஆணொருவரின் சடலமே கரையொதுங்கியுள்ளதாக நுரைச்சோலை பொலிஸார் தெரிவித்தனர்.

மேலும், சடலம் அடையாளங்காண முடியாத வண்ணம் சிதைவடைந்துள்ளதாகவும் பொலிஸார் தெரிவித்தனர். இது தொடர்பிலான ​மேலதிக விசாரணைகளை நுரைச்சோலை பொலிஸார் மேற்கொண்டு வருகின்றனர்.

இதேவேளை, ஆராச்சிகட்டு - முத்துபந்திய கடற்கரையில் இருந்து மீட்கப்பட்ட சடலம் வெளிநாட்டவர் ஒருவருடையது என பொலிஸார் தெரிவித்தனர்.