இரண்டுமாடி கட்டடத்திலிருந்து விழுந்து பெண் பலி

குருநாகல் பஸ் தரிப்பிடத்தில் இரண்டுமாடி கட்டடத்திலிருந்து கீழே விழுந்து பெண் ஒருவர் உயிரிழந்துள்ளார்.

இன்று (08) காலை, இடம்பெற்ற இச்சம்பவத்தில் குருநாகல் – தோரயாய பிரதேசத்தைச் சேர்ந்த, 32 வயதுடைய பெண்ணொருவரே​ இவ்வாறு உயிரிழந்துள்ளதாகப் பொலிஸாரால் தெரிவிக்கப்பட்டுள்ளது.

குறித்த பெண் சில நாள்களாக மனநல குறைப்பாட்டுடன் காணப்பட்டுவந்ததாக, அவரது உறவினர்கள் தெரிவித்துள்ளதோடு, இதுதொடர்பிலான மேலதிக விசாரணைகளை முன்னெடுத்துள்ளதாக மேலும் தெரிவித்தனர்.