இராணுவ சீருடைகளுடன் ஒருவர் கைது

பாலித ஆரியவன்ஸ

லுணுகலை- படாவத்த பகுதியில் பொலிஸாரும், பொலிஸ் விசேடப் படையினரும்  முன்னெடுத்த சோதனை நடவடிக்கையின் போது, கடற்படை, இராணுவத்தின் 3 சீருடைகளை வைத்திருந்த நபர் ஒருவர்  கைதுசெய்யப்பட்டுள்ளாரென்று, ஊவா மாகாணத்துக்கு பொறுப்பான பிரதி பொலிஸ்மா அதிபர் ஜகத் பளியக்கார தெரிவித்துள்ளார்.

மேலும் சந்தேகநபரின் வீட்டிலிருந்து வெளிநாட்டு 18 கடவுச்சீட்டுகள், தேசிய 7 அடையாள அட்டைகள் என்பன மீட்கப்பட்டுள்ளன.

சுலைமான் சியாரக் அலி என்ற 41 வயதுடைய சந்தேகநபரே இவ்வாறு கைதுசெய்யப்பட்டுள்ளதுடன், இவரிடம் மேலதிக விசாரணைகள் முன்னெடுக்கப்பட்டு வருவதாகத் தெரிவித்துள்ளனர்.