இலங்கையின் மின் பிரச்சினைக்கு பிரித்தானியா உதவிக்கரம்

எதிர்காலத்தில் இலங்கையில் ஏற்படவுள்ள மின் நெருக்கடிக்குத் தீர்வாக, அகற்றப்படும் கழிவுப்பொருட்களைப் பயன்படுத்தி, மின் உற்பத்தி செய்யும் முறையொன்றை இலங்கைக்கு அறிமுகப்படுத்துவதற்கு பிரித்தானிய அரசாங்கம் இணக்கம் தெரிவித்துள்ளது.

கடந்த வாரம் மின்சக்தி அமைச்சர் ரவி கருணாநாயக்கவைச் சந்தித்த பிரித்தானியா பிரதி உயர்ஸ்தானிகர் ஜேம்ஸ் டாவுரிஸ், இது தொடர்பில் அமைச்சர் ரவி கருணாநாயக்கவிடம் தமது காரணங்களைத் தெளிவுப்படுத்தியுள்ளார்.

கழிவுப் பொருட்களைப் பயன்படுத்தி, மின்சாரத்தை உற்பத்தி செய்வதன் ஊடாக, அதிகரித்துச் செல்லும் மின் கேள்விக்கு சிறந்த தீர்வாக அமையும் என்றும் பிரித்தானியர் உயர்ஸ்தானிகர் ஜேம்ஸ் டாவுரிஸ் மின்சக்தி அமைச்சர் ரவி கருணாநாயக்கவிடம் தெளிவுப்படுத்தியுள்ளார்.