ஐவருடன் கடலுக்குச் சென்ற படகு மாயம்

5 மீனவர்களுடன் நீர்கொழும்பு மீன்பிடித் துறைமுகத்திலிருந்து கடற்றொழிலுக்கு சென்ற படகொன்று காணாமல் போயுள்ளதாக கடற்றொழில் திணைக்களம் தெரிவித்துள்ளது.

கடந்த மாதம் 30 ஆம் திகதி கடற்றொழிலுக்கு சென்ற ‘கவீஷா துவ’ எனப்படும் மீன்பிடி படகொன்றே இவ்வாறு காணாமல் போயுள்ளதாக கூறப்படுகின்றது.

குறித்த மீனவர்களுடனான தொடர்பு கடந்த 9 ஆம் திகதி முதல் துண்டிக்கப்பட்டுள்ளதுடன் அதற்கு முன்தினம் படகில் கோளாறு ஏற்பட்டுள்ளதாக தகவல் வெளியாகியுள்ளது.